#22: “Мэдлэ” цахим сургууль
Боловсролыг цахимаар хүн бүрд…
Мэдлэ цахим сургууль нь монгол орны өнцөг булан бүрийн ерөнхий боловсролын 475 сургуулийн хамгийн шилдэг 285 багшийг эгнээндээ нэгтгэсэн 15.265 суралцагчтай, цахимаар сонгон судлах 16 хөтөлбөрийг хэрэгжүүлж буй Монголын хамгийн анхны цахим сургууль юм.
Багшийн тасралтгүй хөгжилд: 2022-2023, 2023-2024, 2024-2025 хичээлийн жилд “Модуль1, 2” сургалтаар багшийн цахим ур чадварыг тасралтгүй хөгжүүлж, 10.000 гаруй багш сургалтад бэлтгэгдээд байна.
Өнгөрсөн хичээлийн жилд суралцагчдын 98% нь хичээл сонголтоо хийж, нийт 1012 бүлэгт хуваагдан хичээллэсэн.
Цахим технологи ашиглан Мэдлэ цахим сургуулийг зохион байгуулснаар 640 хүүхдийн багтаамжтай 19 сургуулийн хөрөнгө оруулалтыг хэмнэж, 1718 багш тухайн орон нутагт дутагдах, багшийн хомсдол үүсэх эрсдэлийг бууруулж чадсан юм.
Мэдлэ цахим сургууль байгуулснаар:
1. Сургалтын хөтөлбөрийг сайжруулж, контентын сан бүрдэж байна.
Бүх түвшний мэдээллийн технологийн сургалтын хөтөлбөрийг сайжруулж, агуулгыг шинэчлэн боловсруулах;
Сургалтын платформ, дижитал хэрэглэгдэхүүнийг хөгжүүлж, цахим сурах бичиг, контентын санг бүрдүүлэх;
Боловсролын үнэлгээний үйл ажиллагаанд дижитал технологийг нэвтрүүлэх
2. Хүний нөөцийн чадавх бэхжиж байна.
Салбарын хүний нөөц, суралцагчийн цахим ур чадварыг тасралтгүй хөгжүүлэх.
3. Цахим боловсролын сургалтын дэд бүтэц сайжирч байна.
Боловсролын салбарын мэдээллийн технологийн дэд бүтэц, тоног төхөөрөмжийн хүртээмжийг нэмэгдүүлэх;
Боловсролын салбарын мэдээллийн системийг шинэчлэн, өргөжүүлэх, ашиглалтыг сайжруулах, мэдээллийн нууцлал, аюулгүй байдлыг хангах;
Цахим платформд суурилсан сургалтын хөтөлбөрийн шинэ чиг хандлага, үзэл баримтлал, сургалтын хөтөлбөрийн шинэ үеийн эхлэл тавигдаж байна.
Хичээл сонголт хэрхэн хийх вэ?
1. Төрийн өмчийн сургуулийн 10, 11, 12 дугаар ангийн сурагчид Зөвхөн сурагчийн удирдлагийн системээр орж хичээл сонголтоо хийнэ.
-10 дугаар ангидаа 4 хичээл сонгоно
-11 дүгээр ангидаа 3 хичээл сонгоно
-12 дугаар ангидаа 3 хичээл сонгоно
Сурагч та өөрийн сонирхолдоо тулгуурлан дараах 16 Сонгон судлах хичээлээс:
1. Физик
2. Хими
3. Биологи
4. Газарзүй
5. Түүх
6. Нийгэм судлал
7. Орос хэл
8. Англи хэл
9. Монгол хэл, бичиг
10. Уран зохиол
11. Математик
12. Мэдээллийн технологи
13. Механик ба электроник
14. Бизнес судлал
15. Дизайн зураг зүй
16. Хувцас загвар зохион бүтээлт… Сонголтоо хийгээрэй.
Хичээл сонголтыг student.medle.mn сурагчийн системээр нэвтрэн ангийн багшаасаа авсан @medle.mn хаягаа бичиж /үсэг тоо холилдсон/ нууц үгээрээ нэвтэрч орон хичээл хэсгээс өөрийн сонирхолдоо тулгуурлан сонголтоо хийн хадгалах товч дараад дараа нь илгээх товч дарснаар хичээл сонголт баталгаажна.
Хичээл сонголтоо сурагч та өөрийн эцэг эх асран хамгаалагчтайгаа сайтар зөвлөлдөн сонголтоо хийгээрэй
Сурагч та сонгосон хичээлээрээ бүтэн хичээлийн жил суралцах тул хариуцлагатайгаар сонголтоо хийж амжилттай суралцаарай.
