БНМАУ- ын АИХ- ын Тэргүүлэгчдийн 1975 оны 12 дугаар сарын 11- ний өдрийн 266- р зарлигаар Булган аймгийн Эрдэнэт хороог 1976 оны 1 дүгээр сарын 1- нээс улсын харъяалалтай хот болгож, хотын АДХ- ын гүйцэтгэх захиргаанд ардын боловсрол хариуцсан байцаагчаар Доржийн Жамбалыг томилон ажиллуулснаар өнөөгийн Боловсролын газрын эх суурь тавигдсан. Эрдэнэт хотын Ардын Депутатуудын Хурлын Гүйцэтгэх захиргааны 1979 оны 03 дугаар сарын 11-ний өдрийн 31 дүгээр захирамжаар Эрдэнэт хотын Ардын боловсрол, соёлын хэлтсийг байгуулж, өнөөгийн Боловсрол, шинжлэх ухааны газрын эх суурь тавигдсан түүхтэй.
